Kompania naftë-nxjerrëse Bankers Petrolium tre mujorin e dytë të vitit e ka rritur me 1.4% prodhimin mesatar në fushat naftëmbajtëse të Patos-Marinzës dhe të Kuçovës në raport me tre-mujorin e parë të vitit.<br /><br />Sipas kompanisë këtë 3 mujor prodhimi mestar shkon në 20.045 fuçi në ditë nga 19.767 fuçi në ditë që ishte tremujorin e parë të vitit.<br /><br />Shitjet e naftës gjatë tremujorit të dytë arritën një mesatare prej 19,599 fuçi në ditë, 3.4% më të ulëta se tremujori i mëparshëm prej 20,283 fuçi në ditë. Inventari i naftës bruto ishte 307,000 fuçi në fund të 30 Qershorit 2015, kundrejt 270,000 fuçi në 31 Mars 2015.<br /><br />Shitjet në eksport gjatë tremujorit të dytë përbëjnë 78% të shitjeve totale, me një çmim mesatar eksporti prej 80% e çmimit Brent.<br /><br />Shitjet në tregun vendas ishin më të ulëta gjatë këtij tremujori pasi Bankers i është përgjigjur kërkesave më të larta të tregjeve të eksporteve. <br /><br />Gjatë 6 muajve të parë, shitjet mesatare të naftës ishin 19,899 fuçi në ditë kundrejt 20.036 gjatë gjashtë muajve të parë të vitit 2014. <br /><br />Bankers shpoi një total prej 12 (dymbëdhjetë) pusesh në tremujorin e dytë; dhjetë puse horizontalë, një (1) pus për depozitimin e ujit, dhe një (1) pus i abandonuar, pas incidentit të çlirimit të gazit në fillim të këtij tremujori. <br /><br />Projektet e infrastrukturës të Bankers në tremujorin e dytë vazhdojnë të fokusohen në zgjerimin e kufijve me ndërtimin e sistemit verior të grumbullimit të naftës me tubacion.
